«ՀԱԷԿ» ՓԲԸ աշխատակիցների երեխաները ներկա են գտնվել «Գդե վոդյատսյա վոլշեբնիկի» («Где водятся волшебники?») խորագրով համերգին, որը կայացել է հունվարի 23-ին Երևանի Ա. Պուշկինի անվան թիվ 8 հիմնական դպրոցի համերգային դահլիճի բեմում:

Խորհրդային և ռուս կոմպոզիտորների գործերից բաղկացած համերգային ծրագիրը ներկայացվեց Գիտության և մշակույթի ռուսական կենտրոնի (ԳՄՌԿ) «Երկնքի ափը» («Берег неба») վոկալային ստուդիայի մենակատարների և ԳՄՌԿ-ի «Ռուսական զարդանկարներ» («Русские узоры») պարարվեստի ստուդիայի ուսանողների կողմից: 

Վ. Սոլովյով-Սեդոյի «Պադմոսկովնիյե վեչերա», Վ. Շաինսկու «Պո սեկրետու վսեմու սվետու» և «Իզ չեգո ժե, իզ չեգո ժե...», Ա. Պախմուտովայի «Բելովեժսկայա պուշչա» և «Նադեժդա» ու շատ այլ ստեղծագործություններ ավագ սերնդի ներկայացուցիչներին մանկության աշխարհ տեղափոխեցին: Երեխաներն էլ ծանոթացան իրենց ծնողների մանկության ճանաչված երգերին և ևս մեկ անգամ հաղորդակից դարձան երաժշտության աշխարհին` մեր երեխաների զգացմունքների և մտածելակերպի վրա ազդող դրական հույզերի հիանալի աղբյուրին: