«Ռոսատոմ Արևելյան Եվրոպա» ՍՊԸ հրավերով ՀԱԷԿ-ի աշխատակիցներն իրենց երեխաների հետ միասին մասնակցել են «Հայաստանյան ներառական օրերին»:

Սևանա լճի ափին՝ Արտանիշի ճամբարում, անցկացվել են ցամաքային և ջրային սպորտային մրցումներ՝ առողջական սահմանափակ հնարավորություններով երիտասարդների մասնակցությամբ:

Աշխատակիցների երեխաները աշխատում էին ներառական թիմերով և նավային ներառական անձնակազմով:

Միջոցառումն ապահովել էր բոլոր պայմանները ներառման ճիշտ կազմակերպման ու թաքնված տաղանդների և ունակությունների բացահայտման, ինչպես նաև սեփական փորձի փոխանակման միջոցով մասնակիցների արժեհամակարգի վերագնահատման համար:

Ժամանակակից աշխարհի համար ներառումը հանդիսանում է հասարակական բարօրության ցուցանիշ: Արդյունավետ ներառական փոխազդեցության նպատակն է սկիզբ դնել դրական վերափոխությանը:

Ատոմաբանների երեխաները տեսան հաշմանդամություն ունեցող մարդկանց եզակի ունակությունները և հասկացան դրանց արժեքն ու կարևորությունը հասարակության համար:

ՀԱԷԿ-ը արտադրում է էներգիա: ՀԱԷԿ-ի համար շատ կարևոր և հարազատ են այն նախագծերը, որոնք ունակ են ստեղծելու ամենաարժեքավոր ջերմությունը՝ կյանքի ջերմությունը: