Ս/թ հուլիսի 21-ին կայացած Արմավիրի Ֆուտզալի 2023 թվականի մարզային առաջնության եզրափակիչ փուլում ՀԱԷԿ-ի ֆուտբոլային թիմը մրցել է ՌԴ սահմանապահ վարչության Արմավիրի թիվ 2037 զորամասի թիմի հետ:

Երկուստեք համառ և լարված պայքարից հետո խաղն ավարտվել է 4:3 հաշվով՝ հօգուտ ՀԱԷԿ-ի թիմի:

Խաղի ավարտին Արմավիրի մարզպետ Է. Հովհաննիսյանը մրցանակային տեղեր զբաղեցրած ֆուտբոլիստներին պարգևատրել է մեդալներով, իսկ առաջին տեղը զբաղեցրած ՀԱԷԿ-ի թիմին՝ գավաթով: Տպավորիչ խաղի արդյունքում մարզպետի կողմից լրացուցիչ մրցանակի է արժանացել ՀԱԷԿ-ի դարպասապահ Հ. Ղազարյանը՝ որպես առաջնության լավագույն դարպասապահ: